ບໍລິສັດ ຈະເກັບຮວບຮວມຂໍ້ມູນທີ່ທ່ານໄດ້ໃຫ້ໄວ້ໂດຍກົງ ຫຼື ຂໍ້ມູນທີ່ໄດ້ຮັບຈາກການໃຫ້ບໍລິການ ຜ່ານທຸກຊ່ອງທາງ ດັ່ງນີ້:

• ຊື່ ແລະ ນາມສະກຸນ (ພາສາລາວ ແລະ ພາສາອັງກິດ)
• ເບີໂທລະສັບ
• ອີເມວ
• ເລກບັດປະຈຳຕົວ, ໃບຂັບຂີ່ ຫຼື ໜັງສືຜ່ານແດນ (ລວມທັງຮູບພາບ)
• ເລກບັນຊີທະນາຄານ
• ປະເພດທຸລະກິດ
• ເວັບໄຊທ໌ ຫຼື Platforms ທີ່ເຊື່ອມຕໍ່ກັບ PhaPay
• ຂໍ້ມູນການເຮັດທຸລະກຳ

ບໍລິສັດນຳໃຊ້ຂໍ້ມູນຂອງທ່ານເພື່ອຈຸດປະສົງດັ່ງຕໍ່ໄປນີ້:

• ເພື່ອຢືນຢັນ ແລະ ລະບຸຕົວຕົນຂອງເຈົ້າຂອງບັນຊີທີ່ນຳໃຊ້ລະບົບ.
• ເພື່ອເປັນຊ່ອງທາງການຕິດຕໍ່ສື່ສານ, ແຈ້ງເຕືອນ ຫຼື ຮັບຂໍ້ມູນຕ່າງໆ.
• ເພື່ອສະເໜີສິດທິປະໂຫຍດ, ໂປຣໂມຊັນ, ຜະລິດຕະພັນ ແລະ ບໍລິການທີ່ກ່ຽວຂ້ອງ.
• ເພື່ອການດຳເນີນທຸລະກິດຂອງບໍລິສັດ ເຊັ່ນ: ການວິເຄາະຂໍ້ມູນ, ການກວດສອບ, ການພັດທະນາຜະລິດຕະພັນໃໝ່, ແລະ ການປັບປຸງບໍລິການ.
• ເພື່ອການດຳເນີນງານທີ່ຈຳເປັນ ແລະ ເໝາະສົມ ເຊັ່ນ:
• • ກວດສອບ ແລະ ປ້ອງກັນການກະທຳທີ່ລະເມີດກົດໝາຍ.
• • ປົກປ້ອງການດຳເນີນທຸລະກິດ, ສິດ, ຄວາມປອດໄພ ຫຼື ຊັບສິນຂອງບໍລິສັດ, ບຸກຄະລາກອນ ແລະ ເຈົ້າຂອງຂໍ້ມູນ.
• • ຊ່ວຍເຫຼືອ, ປ້ອງກັນ ຫຼື ຈຳກັດຄວາມເສຍຫາຍທີ່ອາດເກີດຂຶ້ນ.
• ເພື່ອປະຕິບັດຕາມລະບຽບກົດໝາຍ ຫຼື ການສືບສວນຂອງເຈົ້າພະນັກງານ.

ບໍລິສັດຈະຮວບຮວມ ຫຼື ເປີດເຜີຍຂໍ້ມູນສ່ວນຕົວຂອງທ່ານ ສະເພາະເມື່ອເຂົ້າເງື່ອນໄຂຕໍ່ໄປນີ້:

• ທ່ານໄດ້ໃຫ້ຄວາມຍິນຍອມໄວ້ກັບບໍລິສັດ.
• ເພື່ອປ້ອງກັນ ຫຼື ລະງັບອັນຕະລາຍຕໍ່ຊີວິດ, ຊັບສິນ ຫຼື ອິດສະຫຼະພາບ.
• ເພື່ອການປະຕິບັດ ໜ້າທີ່ໃນການດຳເນີນກິດຈະການ ເພື່ອປະໂຫຍດສາທາລະນະ ຫຼື ການປະຕິບັດໜ້າ ທີ່ຕາມທີ່ລັດຖະບານມອບໝາຍ.
• ເພື່ອປະໂຫຍດອັນຊອບທຳວ່າດ້ວຍກົດໝາຍຂອງບໍລິສັດ ຫຼື ບຸກຄົນອື່ນ.
• ເພື່ອປະຕິບັດຕາມລະບຽບກົດໝາຍ.

4.1 ການເປີດເຜີຍຂໍ້ມູນສ່ວນບຸກຄົນ

ບໍລິສັດອາດເປີດເຜີຍຂໍ້ມູນສ່ວນບຸກຄົນໃຫ້ແກ່ບຸກຄົນພາຍນອກ ໃນກໍລະນີຕໍ່ໄປນີ້:

• ກຸ່ມບໍລິສັດໃນເຄືອ: ເພື່ອຈຸດປະສົງທາງການຕະຫຼາດ ແລະ ການດຳເນີນງານ.
• ໜ່ວຍງານລັດຖະບານ: ເພື່ອປະຕິບັດຕາມກົດໝາຍ, ຄຳຮ້ອງຂໍ ຫຼື ການປະສານງານທີ່ກ່ຽວຂ້ອງກັບການບັງຄັບໃຊ້ກົດໝາຍ.

4.2 ການໂອນຂໍ້ມູນສ່ວນບຸກຄົນໄປຕ່າງປະເທດ

ໃນກໍລະນີມີການໂອນຂໍ້ມູນໄປຕ່າງປະເທດ (ເຊັ່ນ: ການໃຊ້ບໍລິການ Cloud), ບໍລິສັດຈະກຳນົດມາດຕະຖານໃນຂໍ້ຕົກລົງ ເພື່ອໃຫ້ໝັ້ນໃຈວ່າ ອົງກອນປາຍທາງມີມາດຕະຖານການຄຸ້ມຄອງຂໍ້ມູນທີ່ສອດຄ່ອງກັບກົດໝາຍ ແລະ ຂໍ້ມູນໄດ້ຮັບ ການຄຸ້ມຄອງຢ່າງປອດໄພ (ເຊັ່ນ: ການເຂົ້າລະຫັດ).

ບໍລິສັດມີຄວາມຕະໜັກໃນດ້ານຄວາມໝັ້ນຄົງປອດໄພ ແລະ ປະຕິບັດຕາມມາດຕະຖານສາກົນ (ເຊັ່ນ: ການໃຊ້ Private Key ແລະ Public Key) ເພື່ອປ້ອງກັນຂໍ້ມູນຈາກການຮົ່ວໄຫຼ, ແກ້ໄຂ ຫຼື ສູນຫາຍ. ພວກເຮົາມີມາດຕະການດັ່ງນີ້:

• ຈຳກັດສິດການເຂົ້າເຖິງ: ກຳນົດໃຫ້ສະເພາະບຸກຄົນທີ່ຈຳເປັນຕ້ອງໃຊ້ຂໍ້ມູນເທົ່ານັ້ນທີ່ສາມາດເຂົ້າເຖິງໄດ້.
• ການຮັກສາຄວາມລັບ: ບຸກຄົນທີ່ເຂົ້າເຖິງຂໍ້ມູນຕ້ອງຍຶດໝັ້ນໃນມາດຕະການປົກປ້ອງຂໍ້ມູນຢ່າງເຄັ່ງຄັດ.
• ຂໍ້ຕົກລົງກັບບຸກຄົນທີສາມ: ບໍລິສັດຈະກຳນົດມາດຕະການຮັກສາຄວາມປອດໄພທີ່ເໝາະສົມ ເມື່ອມີການເຮັດສັນຍາກັບບຸກຄົນທີສາມ.

ທ່ານມີສິດຕາມກົດໝາຍ ພາຍໃຕ້ຂໍ້ກຳນົດ ແລະ ນະໂຍບາຍຂອງບໍລິສັດ ດັ່ງນີ້:

• ສິດຂໍຖອນຄວາມຍິນຍອມ: ທ່ານສາມາດຖອນຄວາມຍິນຍອມທີ່ເຄີຍໃຫ້ໄວ້ ເມື່ອໃດກໍ່ໄດ້, ເວັ້ນແຕ່ມີຂໍ້ຈຳກັດສິດນັ້ນໂດຍກົດໝາຍ ຫຼື ສັນຍາ.
• ສິດຂໍເຂົ້າເຖິງຂໍ້ມູນ: ທ່ານມີສິດເຂົ້າເຖິງຂໍ້ມູນຂອງທ່ານຜ່ານລະບົບບັນຊີ ຫຼື ຮ້ອງຂໍສຳ ເນົາຂໍ້ມູນຈາກບໍລິສັດ.
• ສິດໃນການໂອນຖ່າຍຂໍ້ມູນ: ທ່ານມີສິດຂໍຮັບຂໍ້ມູນຂອງທ່ານໃນຮູບແບບທີ່ອຸປະກອນທົ່ວໄປສາມາດອ່ານໄດ້ ແລະ ຂໍໃຫ້ ບໍລິສັດສົ່ງຂໍ້ມູນນັ້ນໄປຍັງຜູ້ຄວບຄຸມອື່ນ (ຖ້າບໍ່ຂັດຂ້ອງທາງເທັກນິກ).
• ສິດຂໍຂັດຄ້ານ: ທ່ານມີສິດຂັດຄ້ານການເກັບກຳຂໍ້ມູນ ເພື່ອປະໂຫຍດອັນຊອບທຳຂອງ ບໍລິສັດ. ບໍລິສັດຈະດຳເນີນການຕໍ່ເມື່ອສາມາດສະແດງເຫດຜົນຕາມກົດໝາຍທີ່ສຳຄັນ ກວ່າສິດພື້ນຖານຂອງທ່ານ.
• ສິດຂໍລະງັບການໃຊ້ຂໍ້ມູນ: ທ່ານມີສິດຂໍລະງັບການໃຊ້ຂໍ້ມູນຊົ່ວຄາວ ໃນກໍລະນີທີ່ບໍລິ ສັດກຳລັງກວດສອບຄຳຮ້ອງຂໍແກ້ໄຂ ຫຼື ຄັດຄ້ານຂອງທ່ານ.
• ສິດຂໍແກ້ໄຂຂໍ້ມູນ: ທ່ານມີສິດແກ້ໄຂຂໍ້ມູນຂອງທ່ານໃຫ້ຖືກຕ້ອງ ແລະ ເປັນປັດຈຸບັນ.
• ສິດຟ້ອງຮ້ອງ: ທ່ານມີສິດຟ້ອງຮ້ອງຕໍ່ໜ່ວຍງານທີ່ມີສິດອຳນາດ ຫາກເຊື່ອວ່າການ ເກັບກຳຂໍ້ມູນນັ້ນຝ່າຝືນກົດໝາຍ.

ນະໂຍບາຍນີ້ກຳນົດຂະບວນການເພື່ອແກ້ໄຂຄວາມຂັດແຍ່ງລະຫວ່າງຄູ່ສັນຍາ ຫຼື ຜູ້ມີສ່ວນໄດ້ ສ່ວນເສຍ, ເຊິ່ງປະກອບດ້ວຍຂັ້ນຕອນດັ່ງນີ້: